ئاگاداری سەرجه‌م  خوازياران (خوێندكارانی ده‌رچووی پۆلی شه‌شه‌می ئاماده‌یی لەگەڵ دەرچووانى زانكۆو پەيمانگاكان ) ده‌كه‌ینه‌وه‌ كه‌ دەرگاى وەرگرتن بەهەردوو شێوازى ( خوێندنى ئێواران - سيستەمى پارالێڵ لەخوێندنى بەيانيان) لەزانكۆى كۆيە كرايەوە، واتا خوێندكاران ده‌توانن بۆ ساڵی خوێندنی (٢٠١٦ -٢٠١٧) ڕاسته‌وخۆ داواكاری وه‌رگرتن پێشكه‌ش به‌ زانكۆی كۆیه‌ بكه‌ن، به‌م شێوەيەى خواره‌وه‌:

 

 يەكەم / خوێندنى ئێواران

١- دەرچووى پۆلى شەشەمى ئامادەيى ( زانستى و وێژەيى ) لەگەڵ دەرچوانى زانكۆو پەيمانگاكان دەتوانن فۆڕمى وەرگرتن بۆ خوێندنى ئێواران پڕبكەنەوە، بەبێ ڕەچاوكردنى ساڵى دەرچوون يان تەمەن، بۆ ئەم به‌شانەى خوارەوە:

    أ- فاكه‌ڵتی په‌روه‌رده‌، بەشەكانى (عه‌ره‌بی، مێژوو ، جوگرافیا ، خوێندنی ئایینى ).

   ب- فاكەڵتى زانست و تەندروستى، بەشەكانى ( بايلۆجى، فيزيا، كيميا، ميديكەڵ مايكرۆبيلۆجى).

   ج- فاكەڵتى زانستەمرۆڤايەتى و كۆمەڵايەتيەكان، بەشى ( ياسا ، زمان و ئەدەبى توركى).

٢- مامۆستايانى سنورى پەروەردەى كۆيە دەتوانن فۆڕم پڕ بكەنەوە بۆ پەروەردەى بنەڕەتى ئێواران بەشەكانى ( ئينگليزى، كوردى، عەرەبى، زانستەگشتيەكان، كۆمپيوتەر).

 

دووەم / خوێندن بەسيستەمى پاڕالێڵ

١- تەنها دەرچووى پۆلى شەشەمى ئامادەيى ( زانستى و وێژەيى ) دەتوانن فۆڕمى وەرگرتن بۆ خوێندنى پاڕالێڵ پڕ بكەنەوە، بۆ ئه‌م به‌شانه‌ى خوارەوە:

  أ- سكوڵى پزيشكى.

  ب- فاكەڵتى ئەندازيارى بەشەكانى( تەلارسازى، شارستانى، جيۆتەكنيك، پڕۆگرامسازى، نەوت، كيمياوى، دروست كردن).

  ج- فاكەڵتى زانست و تەندروستى بەشەكانى (بايلۆجى، ماتماتيك، فيزيا، كيميا، ميديكەڵ مايكرۆبيلۆجى، كلينيكەڵ سايكۆلۆجى).

   د-فاكەڵتى زانستەمرۆڤايەتى و كۆمەڵايەتيەكان بەشەكانى( ياسا،كارگێڕى، ژمێريارى، ئينگليزى).

   هـ - فاكەلتى پەروەردە بەشەكانى ( كوردی ، عه‌ره‌بی ، ئینگلیزی ،مێژوو ،جوگرافیا ،خوێندنی ئایینی ،په‌روه‌رده‌و ده‌روونزانی ).

   و- پەروەردەى بنەرەتى ئێواران بەشەكانى ( ئينگليزى، كوردى، عەرەبى، زانستەگشتيەكان، كۆمپيوتەر)

٢- داواكار نابێت پێنج ساڵ زياتر بەسەر دەرچوونى لەپۆلى شەشەمى ئامادەيى تێپەڕبووبێت، هەوروەها نابێت تەمەنى لە ( ٤٠ ) ساڵ زياتر بێت. 

 

     تێبینی:

 ١- بۆ وەرگرتنى فۆرم سه‌ردانی تۆمارگای گشتی زانكۆی كۆیه‌ بكە. 

 ٢- كاتى دابەش كردنى فۆڕم له‌ ڕۆژى پێنج شەممە به‌رواری( ٢٢ \ ٩ \ ٢٠١٦ )ه‌وه‌ ده‌ست پێده‌كات، تاوه‌كو ڕۆژى پێنج شەممە بەروارى( ٢٠ \ ١٠ \ ٢٠١٦ ) به‌رده‌وام ده‌بێت.

خوێندکاری وەرگیراو پێویستە رەچاوی ئەم خاڵانەی خوارەوەبکات:

1. هەموو وەرگیراوەکان دەبێت جیمێلی تایبەت بەخوێندکاران بە پێی ئه و هەنگاوانەی کە لە سەر لاپەرەکە دیاری کراوە دروست بکەن. ئەمە بۆ هەموو پەیوەندیەکان لە زانکۆی کۆیە بەکار دەهێندرێت.

2. هەموو وەرگیراوەکان دەبێت فۆرمی ئەلکترۆنی زانیاری تۆمارگا بەر لە سەردانی زانکۆی کۆیە پربکەنەوە. هەموو نوسینەکان دەبێت بە یونیکۆدی کوردی و ژمارەکان بە ژمارەی ئینگلیزی وەك لەسەر لاپەرەکە دیاری کراوە بنوسرێت. لینک بۆ تەختەکلیی یونیکۆد لە لاپەڕەکەمان دانراوە.

3. دوای  تەواو کردنی هەموو هەنگاوەکانی فۆرمەکە، نوسخەیەکی لێرە دابەزینە (download)، چاپی بکە و بە هەمان زانیاری پڕی بکە وەو دووایی واژۆ ی بکە و لەگەڵ ئەو بەڵگانەی خوارەوە کە لێت داواکراوە لە ناو زەرفێکی بە دوگمە لەگەڵ خۆت دەیهێنی بۆ تۆمارگا تاکو  ڕاستاندن دەکرێتەوە و لە مەلەفی زانکۆی کۆیەت دادەنرێت.

4. لە ڕێگەی لینکی تۆمارگا (cao.koyauniversity.org) سەردانی ماڵپەڕی تۆمارگا بکە و خۆت لەگەڵ زانیاریەکانی تۆمارگا ئاشنا بکە.

5. دوای ئەوەی کارەکانت بەتەواوی جێ بە جێ کرد، بۆ بەشەکەی لێی وەرگیراوی و بەشە ناوخۆییەکان لە لایەن تۆمارگا بەڵگەی پشتگیریت پێ دەدرێت.

پێداویستیەکان

1. وێنە (7) دانە

2. کۆپی فۆرمی خۆراك 2013-2014

3. کۆپی  پێناسەی باری شارستانی

4. کۆپی  رەگەزنامە،کۆپی  

5. کارتی زانیاری ،کۆپی

6. فایلێکی بەدوگمەی ئەسلی

7. بڕوانامەی (تەسدیق)کرابێت لە بەرێوەبەرایەتی پەروەردەکان.

8. پشکنینی چاو ،ئەگەر هەر راپۆرتێکی تری هەیە.

تێبینی:

1. خوێندکاری وەرگیراو بۆ ساڵی خوێندنی 2014-2015: پێش هەموو شتێك کە ناوی دەرچوو خۆی تۆمار بکات لە ماوەی (10)ڕۆژ دا.

2. ئەگەرخوێندکار  ئارەزووی ئەو بەشەی نەبوو کە لیی وەر گیراوە  دەتوانێت دوای خۆ تۆمار کردن دابەزین بکات بۆ بەشێکی تر بەپیی کەمترین کۆنمرەی بەشەکەی کە لێی وەرگیراوە بەرزتر بێت لە کەمترین کۆنمرەی ئەو شوێنەی بۆی دەچێت.

3. خوێندکاری وەرگیراو دەتوانێت دوای خۆ تۆمار کردنی دواخستنی خوێندنی بکات لە رێگای بەشەکەیەوە بە هۆیەکی دیاری کراو .

4. واتە دابەزین – دواخستن- شوێن گۆرین دوای خۆتۆمار کردن دەبێت لەوشوێنەی لێی وەرگیراووە.

5. خوێندکار هەر پرسیارێکی لەلا دروست بوو دەتوانێت سەردانی تۆمارگا بکات بۆ بەرچاو رونی تاوەکو توشی هەڵە نەبێت .

6. خوێندکار لەبەشەکانی فاکەڵتی لە هەربابەتیک ڕێژەی نەهاتنی (10%)ی تێپەرکرد بەبێ هۆ بەکەتوو دادەندرێت لەو بابەتە ئەگەر (15%)تێپەرکرد بەهۆیەکی دیاری کراو بەکەوتوو دادەندرێت